Këngëtarja britanike, e cila performon sonte në sheshin ‘Skëndërbej’ me rastin e Natës së Bardhë, Emeli Sande është bërë viktimë e një grabitjeje online para 3 vitesh, por mediat tashmë e kanë zbuluar.
Sipas ‘The Sun’ këngëtarja ka rënë pre e një mashtrimi dhe i kanë vjedhur rreth 300 mijë paund nga llogaria e saj bankare.
Hajdutët kanë arritur të marrin të dhënat personale të ish bashkëshortit të saj, Adam Gouraguine, dhe më pas kanë ndërhyrë tek llogaria e përbashkët e tyre duke transferuar reth 300 mijë paund në një degë në Marylebone.
Por, pasi ka vënë re lëvizjen e dyshimtë të parave, ish bashkëshorti ka njoftuar bankën, e cila ka pezulluar dhe bllokuar transferimin e parave. Autoritetet kanë kapur autorin i cili është Rasad Salam, 25 vjeç dhe akuzohet për mashtrim.
