Foto ndër vite të artistëve të njohur, emrave të rëndësishëm të skenës, brezave të tërë të rritur në ish-Pallatin e Pionierëve, sot Qendra Kombëtare e Kulturës për Fëmijë.
Dikur ata ishin të vegjël dhe vinin me pasion për të realizuar ëndrrat e tyre. I shikoni sa të vegjël kanë qenë… Sot ata u rritën dhe talentin e tyre e bënë profesionin e jetës.
Qendra Kombëtare e Kulturës për Fëmijë numëron plot 70 vite histori.
Festës në këtë përvjetor në datën 17 dhjetor, ditën e diel, ora 19:00, në sallën e madhe të Universitetit të Arteve, i shtohet edhe një ekspozetë me foto të Ermelinda Meksit, Ardit Gjebreas, Inva Mulës, Tedi Papavramit, Sesilia Plasarit, Suzana Turkut, Yllka Mujo, etj.
