Vetëm një ditë para finales së madhe të festivalit “Kënga Magjike 2016”, In.tv ka pyetur dy nga anëtarët e jurisë së të rinjve, Olti Currin dhe Venera Lumanin të cilët kanë zgjedhur këngën e tyre fituese.
“Mua më ka pëlqyer Artiola”, ka thënë Olti Curri duke shprehur pëlqimin e tij për këngën “Mirëmëngjes dashni” të Artiola Toskës me Brunon që e ka bërë Oltin të kërcejë gjatë mbrëmjes së dytë të Këngës Magjike.
Ndërsa për Venera Lumanin, anëtaren tjetër të jurisë së të rinjve, duhet ta fitojë Flori i kategorisë së të rinjve, pasi sipas saj “ka ardhur momenti për të ndryshuar gjithçka, që një i ri të shkojë në finale dhe të marrë dhe çmimin e parë”.