Që Era është Istrefi tashmë është shumë e famshme edhe jashtë Shqipërisë dhe Kosovës, kjo gjë dihet tashmë. Por këngëtarja e njohur po ecën me hapa galopanë.
Suksesi i radhës i yllit ndërkombëtar ka të bëjë me një film. Hiti “Bon-Bon” që e bëri të njohur këngëtaren kosovare tani do të jetë edhe kolona zanore e “Rough Night”, një komedi me protagoniste Scarlet Johansson.
Komedia flet për pesë shoqe gjimnazi të cilat takohen pas 10 vitesh, për të bërë një festë beqarie.
Në një prej skenave të filmit, kur shoqet janë duke u argëtuar në një klub, në sfond dëgjohen tingujt e këngës së Erës “Sun e bon, bon bon, edhe nëse s’bon, don, don…veç unë e taste si bon-bon”…Edhe ne në fakt ndihemi shumë krenarë për këtë sukses të radhës të Erës.
