Charlize Theron dhe Sean Penn nuk i flasin njëri-tjetrit

Charlize Theron e ka shmangur takimin me ish të fejuarin e saj, aktorin Sean Penn gjatë Festivalit të Filmit në Kanë ku ata së bashku me kastën e aktorëve të tjerë, dhanë një konferencë për shtyp për filmin e tyre të fundit ‘The Last Face’. Duket se të dy aktorët nuk janë ndarë aspak mirë përderisa qëndruan larg njëri-tjetrit në këtë event. Charlize Theron dhe Sean Penn të cilët e mbyllën marrëdhënien e tyre pas 1 viti e gjysëm së bashku, mbajtën distancë në Kanë, ndërsa shikimi i aktores kundrejt ish partnerit të saj bëri shumë përshtypje pasi nuk ishte aspak miqësor. Miq të afërt të aktores thonë se ajo ka shkëputur çdo lloj kontakti me Penn, përfshirë edhe sms-të apo thirrjet telefonike.