Për rockerin më të famshëm shqiptar Aleksandër Gjoka jeta personale është një thesar i çmuar, të cilën rrallë e ndan me publikun.
Por, qëkurse Gjoka është bërë pjesë e rrjeteve sociale, duke hapur një llogari në Facebook ai ka nisur të ndajë copëza nga jeta dhe përditshmëria e tij.
Surprizuese dje në mbrëmje ka qenë një foto e dy fëmijëve të tij, djalit dhe vajzës.
I menjëhershëm ka qenë reagimi i miqve dhe fansave të tij, ku deputetja Mesila Doda i thotë se “goca i ngjan Ritës (bashkëshortes), ndërsa Rei ty”!
Por rebeli i muzikës shqiptare i përgjigjet prerë “Harroje Sila motra ime, kan lidhje vetem me mua…” Dhe vijon më tej: “Ata të dy janë Aleksandër Gjoka”!, shkruan revista Bordo.